چۆنیەتی ئامادەکردنی شیرینی دۆنات

کەرەستەکان:

-دوو كەوچکی گەورە سرکەی سپی

-کوپێک شیر

-دوو کەوچکی گەورە کەرە

-کوپ و نیوێک شەکر

-1 هێلکە

-چارەکە کەوچکێکی بچوک ڤانێلیا

-دوو کوپ ئارد

-نیو کەوچکی بچوک بەیکینگ سۆدا

-پروشەیەک خوێ

-زەیت بۆ سورکردنەوە بەپێی ئارەزوو

                            

ئامادەکردن:

1- سرکە و شیر لە کوپێکی بچوکدا تێکەڵبکە و بۆ ماوەی 10 خولەک لە پەناوە دایبنێ تاوەکو کارلێک دەکات.

2- لە قاپێکی قەبارە مامناوەندا کەرە و شەکر تێکەڵبکە تاوەکو پێکهاتەیەکی کرێمیت دەست دەکەوێت.

3- هێلکە و ڤانێلیا و ئارد و بەیکینگ سۆدا و خوێی تێ بکە و بەردەوام تێکەڵیبدە.

4- وردە وردە تێکەڵەی شیرەکەی تێ بکە تاوەکو هەویرێکی نەرمت دەستدەکەوێت.

5-کەمێک ئارد بپرژێنە بە ڕوویەکی تەختدا و هەویرەکەی لەسەر بڵاوبکەرەوە و بیکە بە تۆپی بچوک بچوک.

6-بۆ ماوەی 6 خولەک لە پەناوە دایبنێ تاوەکو قەبارەکەی گەورە دەبێت و لە زەیتێکی گەرمدا سوری بکەرەوە تاوەکو پێ دەگات و ڕەنگەکەی دەگۆرێت بۆ ئاڵتونی.

دواڕۆژ