بەگوێرەی کۆمەڵێک توێژینەوە دەرکەوتووە کە دانیشت بۆ ماوەیەکی زۆر زیانی تەندروستی بۆ لەش هەیە.
توێژینەوەیەک لە وڵاتی کەنەدا کراوە و توێژەرەوان بۆیان دەرکەوتووە کە پەیوەندی هەیە لەنێوان دانیشتنی زۆر و کۆمەڵێک نەخۆشی. توێژینەوەکە باس لەوە دەکات کە چەند زیاتر کەسێک دابنیشێت و جوڵە نەکات، ئەوەندە زیاتر ئەگەری هەیە توشی نەخۆشیەکانی دڵ ببێت.
هەروەها، توێژینەوەیەکی تر کە لە (Medical Diary, Circulation) بڵاوکراوەتەوە و ئاماژە بەوە دەکات کە بۆ هەر یەک کاتژمێر دانیشتن لەبەر تەلەفیزۆن ئەگەری توشبوون بە نەخۆشیەکانی دڵ لە سەدا ١٨ زیاتر دەبێت.
یەکێکی تر لە شیکاریەکان کە لە (British Journal of Sports and Medicine) بڵاوکراوەتەوە ئاماژە بەوەدەکات، "دانیشت بۆ ماوەی چوار کاتژمێر دەبێتە هۆی چەند گۆڕانکاریەکی نەرێنی لە لەشدا". هەروەها، لە ڕاپۆرتە شیکاریەکەدا هاتووە، "ئەو جینەی کە لێپرسراوە لە تواندنەوەی چەوری لەش و شەکری گلوکۆز لە لەشدا، لە کاتی زۆر دانیشتندا فرمانەکانی جێبەجێ ناکات و ناچالاک دەبێت بەمەش لەوانەیە لەش دووچاری نەخۆشیەکانی شەکرە و نەخۆشیەکانی دڵ و بەرزبوونەوەی پەستانی خوێن و شێرپەنجە و قەڵەوی ببێت.
هەروەها، کۆمەڵێک لە توێژینەوەکان ڕێنمایی دەدەن کە پێویستە مرۆڤ کەمتر دابنیشێت و زیاتر جوڵە بکات و ئاماژە بەوە دەکەن بە کەمکردنەوەی دانیشتن و زیادکردنی جوڵەی لەش ئەم گۆڕانکاریانە لە لەشی کەسەکەدا دروستدەکات.
١. باشترکردنی کەشی دەرونی کەسەکە
٢. وزە بەخشین بە کەسەکە و چالاککردنی کەسەکە
٣. کەمکردنەوەی ئازاری پشت
٤. سوتاندنی کالۆری و کەمکردنەوەی کێشی لەش
٥. وا لەکەسەکە دەکات زیاتر بتوانێت تەرکیز لەسەر شتەکان هەبێت
Comments
Post a Comment